U.d. e presidentes së Republikës së Kosovës, Albulena Haxhiu, zhvilloi një takim me kryesuesin dhe sekretaren e përgjithshme të Këshillit Konsultativ për Komunitete. Gjatë takimit u diskutua rëndësia e këtij këshilli si një mekanizëm kyç për komunikimin ndërmjet komuniteteve dhe institucioneve shtetërore. Haxhiu theksoi nevojën për trajtim të kujdesshëm institucional të shqetësimeve, propozimeve dhe prioriteteve të komuniteteve, duke nënvizuar se barazia realizohet kur qytetarët kanë akses të barabartë në institucione dhe vendimmarrje. Ajo konfirmoi përkushtimin e presidencës për bashkëpunim të vazhdueshëm me këshillin, në shërbim të të drejtave dhe pjesëmarrjes së komuniteteve në jetën publike të Kosovës.