Ushtruesja e detyrës së Presidentes së Kosovës, Albulena Haxhiu, në Konferencën e Ambasadorëve në Prishtinë, kërkoi reagim ndërkombëtar ndaj politikave hegjemoniste të Serbisë. Ajo theksoi nevojën për drejtësi lidhur me sulmin terrorist në Banjskë, zbardhjen e fatit të të zhdukurve gjatë luftës dhe hapjen e arkivave të krimeve të luftës. Haxhiu gjithashtu shprehu shqetësim për deklaratat e presidentit serb Vuçiq që lidhen me ndryshimin e rrjedhës së lumit Ibër, duke paralajmëruar pasoja serioze për sigurinë ujore, energjetike dhe mjedisore të Kosovës.