Ushtruesja e detyrës së Presidentit të Kosovës, Albulena Haxhiu, priti përfaqësuesit e Shoqatës së Ish të Burgosurve Politikë të Kosovës për të diskutuar mbi veprimtarinë e shoqatës dhe rëndësinë e ruajtjes së kujtesës historike. Gjatë takimit u trajtua dokumentimi i dhunës dhe torturave që regjimi serb ushtroi ndaj mijëra të burgosurve shqiptarë gjatë dekadave të rezistencës për liri. Haxhiu theksoi sfidat me të cilat përballet shoqata dhe premtoi mbështetje brenda kompetencave të Presidencës për nismat që synojnë ruajtjen e kujtesës historike. Ajo gjithashtu vlerësoi kontributin dhe sakrificën e ish të burgosurve politikë në rrugën e Kosovës drejt lirisë dhe pavarësisë.