Kryetarja e Kuvendit të Kosovës, Albulena Haxhiu, ka shprehur keqardhje për ekspozitën “Masakrat në Kosovë” që përmbante të dhëna të pasakta dhe ka theksuar se Kuvendi nuk e ka organizuar këtë ekspozitë, por vetëm e ka mbështetur financiarisht vendimi i të cilës u mor në Kryesi me përjashtim të Listës Serbe. Ajo ka njoftuar se pas këtij rasti do të ndryshohet rregullorja për subvencionime, duke formuar komisione profesionale që do të vlerësojnë kërkesat për financim, në mënyrë që të shmangen gabimet e ngjashme në të ardhmen. Haxhiu ka theksuar se aktualisht Kuvendi nuk ka mekanizma për verifikimin e të dhënave të projekteve të propozuara nga organizatat dhe se përgjegjësia për përmbajtjen e ekspozitës mbetet tek autorët. Ajo ka përmendur gjithashtu se një praktikë e ngjashme e vlerësimit profesional është zbatuar më parë në Ministrinë e Drejtësisë për mbështetjen e projekteve sociale dhe familjare.