Kryetarja e Kuvendit të Kosovës, Albulena Haxhiu, zhvilloi një takim me kryetarët e grupeve parlamentare për të diskutuar nevojën e formimit të shpejtë të delegacioneve të Kuvendit në organizata ndërkombëtare. Gjatë takimit u dakordua që grupet parlamentare të dërgojnë emrat e deputetëve për anëtarë të delegacioneve deri në fund të javës së ardhshme. Delegacionet do të përfaqësojnë Kosovën në Asamblenë Parlamentare të Procesit të Bashkëpunimit të Evropës Juglindore, Asamblenë Parlamentare të NATO-s, Këshillit të Evropës dhe Frankofonisë. Haxhiu theksoi rëndësinë e përfaqësimit aktiv dhe dinjitoz për forcimin e subjektivitetit shtetëror dhe thellimin e bashkëpunimit ndërkombëtar.