Ushtruesja e detyrës së Presidentes, Albulena Haxhiu, ka uruar nisjen e vitit të ri shkollor përmes një postimi në rrjetet sociale. Ajo theksoi se shkolla duhet të jetë një vend ku dija, siguria dhe mundësitë janë të pranishme për çdo fëmijë, duke nënvizuar rëndësinë e vlerësimit të punës dhe zhvillimit të talentit. Haxhiu vuri në pah rolin thelbësor të mësimdhënësve në nxitjen e kureshtjes dhe mendimit kritik te nxënësit, duke i inkurajuar ata të pyesin dhe të kërkojnë njohuri. Në mënyrë të veçantë, ajo uroi nxënësit e klasës së parë, duke i konsideruar ata fillimin e një rrugëtimi të rëndësishëm arsimor.