Ushtruesja e detyrës së presidentit të Kosovës, Albulena Haxhiu, ka pritur në takim shefen në detyrë të Zyrës së Bashkimit Evropian në Kosovë, Eva Palatova, e cila i dorëzoi raportet e Misionit të Ekspertëve të BE-së për zgjedhjet parlamentare dhe komunale të vitit 2025. Në këto raporte vlerësohet pjekuria demokratike e Kosovës gjatë këtyre proceseve zgjedhore, duke evidentuar gjetje dhe rekomandime që do të shqyrtohen me kujdes. Haxhiu ka siguruar se do të adresohen me përgjegjësi këto rekomandime në funksion të forcimit të mëtejshëm të proceseve zgjedhore në vend. Ajo gjithashtu theksoi përkushtimin e Kosovës ndaj standardeve demokratike, sundimit të ligjit dhe rrugës evropiane.