Kryetarja e Kuvendit të Kosovës, Albulena Haxhiu, zhvilloi një takim me rreth 40 përfaqësues të organizatave të shoqërisë civile vendore dhe ndërkombëtare, ku diskutuan sfidat dhe bashkëpunimin me Kuvendin. Në takim u theksua nevoja për rritje të transparencës, përfshirë transmetimin e drejtpërdrejtë të komisioneve parlamentare dhe përfshirjen e shoqërisë civile në proceset legjislative. U diskutua gjithashtu për forcimin e rolit mbikëqyrës të Kuvendit, integrimin e perspektivës gjinore dhe ndikimin mjedisor në legjislacion, si dhe për zbatimin e Konventës së Stambollit dhe drejtësinë tranzicionale. Haxhiu njoftoi masa për Kodin e Sjelljes së Deputetëve dhe krijimin e grupeve të grave deputete dhe deputetëve të rinj, duke theksuar rëndësinë e bashkëpunimit të vazhdueshëm për forcimin e demokracisë dhe institucioneve.