Ushtruesja e detyrës së presidentes, Albulena Haxhiu, ka bërë thirrje që çdo parti apo individ që mendon se ajo po shkel Kushtetutën të drejtohet te Gjykata Kushtetuese për të marrë një vendim zyrtar. Ajo theksoi se gjatë vitit të kaluar janë bërë disa kërkesa të ngjashme në këtë gjykatë dhe se vetë ka nënshkruar shumë dekrete, duke përfshirë edhe ato për emërimet në Komisionin Qendror të Zgjedhjeve.