Kryetarja e Kuvendit të Kosovës, Albulena Haxhiu, ka mirëpritur vendimin e Komitetit Evropian të Rajoneve për heqjen e fusnotës “Kosovo*” pranë emrit të Kosovës, duke e cilësuar këtë si një korrigjim të një padrejtësie të gjatë ndaj shtetit tonë. Sipas saj, fusnota ishte një kompromis i padrejtë i arritur në kuadër të dialogut ndërmjet Kosovës dhe Serbisë dhe ka shërbyer për përfaqësim jozyrtar në organizata ndërkombëtare. Ky vendim përbën një hap të rëndësishëm për fuqizimin dhe afirmimin e Kosovës në arenën ndërkombëtare dhe sinjalizon trajtim më të drejtë dhe të barabartë për vendin tonë. Përveç Haxhiut, edhe zëvendëskryeministri dhe ministri i Punëve të Jashtme, Glauk Konjufca, ka përshëndetur këtë zhvillim, duke theksuar se ai pasqyron një qartësi institucionale më të madhe lidhur me perspektivën evropiane të Kosovës.