Komiteti i Rajoneve të Bashkimit Evropian ka vendosur të heqë fusnotën dhe asteriskun nga emërtimi "Kosovo" në dokumentet zyrtare, duke harmonizuar terminologjinë me Parlamentin Evropian. Ky vendim konsiderohet një hap pozitiv dhe i rëndësishëm për konsolidimin e përfaqësimit të Kosovës në institucionet evropiane dhe fuqizimin e shtetit në arenën ndërkombëtare. Kryetarja e Kuvendit, Albulena Haxhiu, dhe kryeministri Albin Kurti e kanë përshëndetur këtë zhvillim, ndërsa zëvendëskryeministri dhe ministri i Jashtëm Glauk Konjufca e ka vlerësuar si një përparim institucional në procesin e integrimit evropian. Megjithatë, njohësit e integrimeve theksojnë se ende mbetet punë për të hequr fusnotën edhe nga institucionet e tjera evropiane, pasi mungesa e njohjes nga disa shtete ngadalëson procesin.