Ardian Gjini, kandidati për kryeministër nga Aleanca, ka prezantuar një premtim kyç të programit të tij zgjedhor, që synon mbështetjen e sektorit të bujqësisë dhe prodhuesve vendorë në Kosovë. Ai ka njoftuar se në qeverisjen e Aleancës nuk do të ketë më taksa për tokën e mbjellë dhe familjet që prodhojnë ushqim për tregun dhe tryezat e Kosovës, duke e konsideruar këtë masë si një mbështetje direkte për prodhuesit. Gjini thekson se kjo politikë do të lehtësojë barrën fiskale për familjet bujqësore dhe do të fuqizojë prodhimin vendor, duke e bërë bujqësinë një motor të zhvillimit ekonomik. Ky zotim përbën një nga prioritetet kryesore të Aleancës në programin e tyre qeverisës.