Grupi i asamblistëve të Lëvizjes Vetëvendosje në Prishtinë ka kërkuar nga Prokuroria nisjen e hetimeve për pretendimet e legalizimeve të paligjshme të disa objekteve në kryeqytet, pas publikimit të mesazheve që përmendin raste konkrete. Shefi i grupit, Gëzim Sveçla, ka denoncuar mungesën e transparencës nga Komuna e Prishtinës, e cila ka refuzuar t’u dorëzojë dosjet e plota të legalizimeve, duke i zëvendësuar ato vetëm me certifikata, pa dokumentacionin bazë.