Deputetja Blerta Deliu-Kodra ka kërkuar nga Prokuroria Speciale që hetimet për rastin e profilit të rremë “Lule Gjeli” të mos ndalen vetëm në identifikimin e këtij profili. Ajo thekson se është e pamundur që një profil anonim të ketë ushtruar ndikim të madh për vite pa mbështetje apo koordinim nga një rrjet më i gjerë. Deliu-Kodra kërkon që hetimet të përfshijnë zbardhjen e çdo strukture të organizuar, financimin, koordinimin dhe personat përgjegjës pas këtij profili. Sipas saj, duhet të merren në pyetje të gjithë ata që mund të kenë dijeni për këtë makineri propagandistike dhe të verifikohen edhe deklaratat publike që mund të ndihmojnë në zbardhjen e së vërtetës.