Learta Hollaj, shefja e stafit të presidentes Vjosa Osmani, ka deklaruar se procesi i zgjedhjeve të reja në Kosovë është institucional dhe nuk përbën një betejë personale. Ajo theksoi se presidentja Osmani nuk fiton asgjë nga këto zgjedhje dhe se çdo veprim i saj është në përputhje me Kushtetutën dhe interesin publik. Hollaj po ashtu njoftoi se Lëvizja Vetëvendosje nuk mori pjesë në takimin e thirrur nga presidentja me partitë politike, por theksoi se presidentja do të vazhdojë të marrë vendime në përputhje me Kushtetutën, pavarësisht mosdakordësive. Gjithashtu u theksua se çdo vendim i Gjykatës Kushtetuese do të respektohet nga Presidenca.