Deputetë dhe anëtarë të Partisë Demokratike të Kosovës kanë bërë homazhe pranë shtatores së Zahir Pajazitit për të nderuar ditën e dëshmorëve të kryeqytetit. Vlora Çitaku, deputete e kësaj partie, theksoi se liria, shteti dhe pavarësia e Kosovës janë arritur me një çmim dhe sakrificë të lartë. Ajo u shpreh se për ata që jetojnë sot, kujtimi dhe amaneti i dëshmorëve janë udhërrëfyes në rrugëtimin e mëtejshëm të vendit. Çitaku përfundoi duke bërë një nderim të përjetshëm për heronjtë që dhanë gjithçka për lirinë e Kosovës.