Ministri i Qeverisë Kurti, Andin Hoti, ka shprehur bindjen se vendi nuk duhet të shkojë në zgjedhje të reja për shkak të moszgjedhjes së presidentit, duke theksuar se kjo do të ishte e dëmshme për Kosovën. Ai ka bërë thirrje që dy partitë kryesore me ndikim në këtë proces, PDK dhe LDK, të tejkalojnë këtë problem dhe të bashkëpunojnë për të shmangur zgjedhjet e reja. Hoti ka paralajmëruar se populli nuk do t’i falë politikanët nëse vendi shkon në zgjedhje për herë të pestë brenda një viti, edhe pse zgjedhjet do të favorizonin më shumë Lëvizjen Vetëvendosje. Ai nuk ka dhënë detaje nëse LVV do të propozojë sërish kandidatin aktual për president, por ka siguruar se kjo parti do t’i japë votat e saj për zgjedhjen e presidentit.