Ministri i Evropës dhe Punëve të Jashtme i Shqipërisë, Ferit Hoxha, zhvilloi një takim në Prishtinë me kryetarin e PDK-së, Bedri Hamza, ku diskutuan për situatën politike aktuale dhe sfidat që pretendojnë të përballojë Kosova në periudhën e ardhshme. Hoxha theksoi rëndësinë e konstituimit sa më të shpejtë të institucioneve të reja dhe nevojën për një frymë bashkëpunimi dhe përgjegjshmërie politike për të garantuar stabilitetin, zhvillimin dhe integrimin evropian të vendit. Në bisedë u trajtua edhe dialogu Kosovë–Serbi, i cilësuar si proces i domosdoshëm për normalizimin e marrëdhënieve dhe avancimin e perspektivës evropiane të të dy vendeve. Gjithashtu, u shpreh respekt për ish-udhëheqësit e UÇK-së dhe u theksua pritshmëria që drejtësia të veprojë në mënyrë të paanshme dhe në përputhje me standardet ndërkombëtare.