Ministri i Punëve të Jashtme i Shqipërisë, Ferit Hoxha, dhe ministri i Punëve të Jashtme i Kosovës, Glauk Konjufca, u takuan në Uashington për të diskutuar zhvillimet më të fundit politike dhe çështjet me interes të përbashkët mes dy vendeve. Gjatë takimit u vlerësua rëndësia e koordinimit të vazhdueshëm dhe u shqyrtuan mundësitë për thellimin e bashkëpunimit të gjithanshëm në fusha të ndryshme. Ky takim u zhvillua në kuadër të një konference ministrorësh mbi rritjen e rrezikut nga terrorizmi politik, organizuar nga Sekretari amerikan i Shtetit, Marco Rubio. Ministria e Punëve të Jashtme e Shqipërisë publikoi edhe një fotografi nga takimi, duke theksuar angazhimin e dy vendeve për avancimin e marrëdhënieve bilaterale.