Deputeti i PDK-së, Enver Hoxhaj, ka akuzuar kryeministrin Albin Kurti dhe Lëvizjen Vetëvendosje për përpjekje për të marrë 100% të pushtetit në Kosovë. Ai theksoi se Kurti nuk ka treguar interes për stabilitet politik apo për zgjedhjen e Presidentit, por synon të kontrollojë plotësisht institucionet. Hoxhaj përmendi se kjo sjellje është vazhdimësi e asaj që ndodhi vitin e kaluar, kur Kurti kaloi nga 48 në 57 deputetë, duke i thënë qytetarëve se nuk i intereson më pak pushtet. Sipas tij, kjo nuk është thjesht kapje e shtetit, por një superkapje që rrezikon demokracinë dhe stabilitetin politik në vend.