Ish-ministri i jashtëm Enver Hoxhaj ka kritikuar ashpër përplasjet mes ish-presidentes Vjosa Osmani dhe ish-kryeministrit Albin Kurti, duke theksuar se konflikti i tyre nuk shërben interesave të Kosovës. Ai i cilëson ata si “boshtin e së keqes” dhe akuzon se kanë luajtur bixhoz me shtetin, demokracinë, shoqërinë dhe mediat në vend. Hoxhaj vë në dukje se përplasjet e tyre janë mbushur me akuza të ndërsjella dhe se kanë penguar opozitën të ushtrojë rolin e saj demokratik, duke i pamundësuar kandidimin për kryeministër dhe duke caktuar data të pafavorshme për zgjedhje. Ai shpreh shqetësim për mënyrën se si këta dy liderë kanë qeverisur, duke theksuar se koalicioni i tyre i shpresës ka prodhuar rezultate të kundërta për Kosovën.