Deputetja e Lidhjes Demokratike të Kosovës, Hykmete Bajrami, ka reaguar ashpër pas nominimit të Glauk Konjufcës nga Lëvizja Vetëvendosje për president të Kosovës. Ajo akuzon kryeministrin Albin Kurti se me paramendim po e çon vendin drejt zgjedhjeve të reja, duke e ditur se Konjufca nuk ka votat e nevojshme për t’u zgjedhur. Bajrami thekson se kjo situatë do të sjellë humbje kohe dhe shpenzime të mëdha financiare, ndërsa partitë politike do të duhet përsëri të ulen për të gjetur një marrëveshje për presidentin. Sipas saj, Kurti nuk po punon për stabilitet, zhvillim ekonomik apo avancim të shtetësisë, por po krijon një atmosferë paqartësie dhe institucione jofunksionale, duke u shprehur se ai është "armiku më i madh i këtij vendi".