Deputetja Hykmete Bajrami ka reaguar fuqishëm kundër çdo përpjekjeje për mbylljen e emisioneve televizive dhe për kontrollin institucional apo politik mbi mediat. Ajo ka theksuar se, megjithëse është trajtuar në mënyrë të njëanshme dhe jashtë kontekstit në emisionin “Debat Plus”, duke u shfaqur në një narrative të pavërtetë dhe duke u përdorur montazhe të manipuluara për të, ajo mbështet lirinë e medias pa kushte. Bajrami ka denoncuar kërcënimet dhe ndjenjën e pasigurisë që i janë shkaktuar asaj dhe familjes, por ka nënvizuar se liria e medias duhet mbrojtur edhe kur mediat nuk janë të favorshme ndaj individëve. Ajo ka kërkuar ndërprerjen e çdo forme presioni ndaj mediave dhe ka bërë thirrje për respektimin e standardeve etike dhe profesionale, duke theksuar se “një media e lirë mund të gabojë, por një media e kontrolluar është gabimi vetë”.