Deputetja e Lidhjes Demokratike të Kosovës, Hykmete Bajrami, ka bërë të ditur se do të kandidojë për kryetare të partisë në zgjedhjet e brendshme që pritet të mbahen në vitin 2027, nëse gara do të jetë e hapur dhe fer. Ajo ka theksuar se nuk do të pranonte të ishte kandidate për kryeministre nëse LDK-në do ta udhëhiqte dikush tjetër dhe se situata aktuale politike nuk ka lidhje me zgjedhjet e brendshme të partisë. Bajrami ka shtuar se nuk pret të jetë kandidatura e vetme dhe se brenda partisë ka edhe figura të tjera me ambicie për drejtimin e LDK-së. Gjithashtu, ajo nuk përjashton mundësinë e një kandidati konsensual që mund të bashkojë strukturat e partisë, por nëse nuk ndodh kjo, ajo do të jetë njëra prej kandidatëve në garë.