Kryetari i Istogut, Ilir Ferati, ka përkujtuar Ditën e Dëshmorëve të kësaj komune duke shprehur mirënjohje të thellë për sakrificën e dëshmorëve në rrugën drejt lirisë. Ai theksoi se kujtimi për dëshmorët duhet të jetë i përhershëm dhe një rikujtim i vazhdueshëm i çmimit të lartë të lirisë, duke vlerësuar veçanërisht guximin e të rinjve të Ushtrisë Çlirimtare të Kosovës që dhanë jetën për atdheun. Ferati theksoi se historia e tyre duhet të mbetet udhërrëfyes në çdo hap që ndërmarrim, për të mos harruar kurrë prejardhjen dhe falënderimin ndaj dëshmorëve. Ai përfundoi mesazhin duke theksuar se 12 Prilli duhet të jetë një ditë reflektimi dhe nderimi për dëshmorët e Istogut, ndërsa lavdia e tyre është e përjetshme.