Qytetarë të Prishtinës u mblodhën këtë të diel në Parkun e Gërmisë për të shprehur pakënaqësitë e tyre lidhur me zhvillimet politike në vend, sidomos për vonesat në zgjedhjen e presidentit. Sami Bërbatovci kërkoi një zgjidhje kombëtare dhe evitimin e zgjedhjeve, duke theksuar se vendi po bëhet "horë e botës". Imer Hoxha nxit popullin dhe veçanërisht rininë të zgjedhin më të mirin, ndërsa Brahim Mustafa bëri thirrje për unitet mes liderëve politikë dhe lënien mënjanë të inateve. Enver Halimi propozoi Vjosa Osmanin si kandidate të merituar për postin e presidentes, ndërsa Masar Bytyçi dhe Mirsad Gashi theksuan nevojën për bashkëpunim dhe kritikuan zvarritjen e procesit që po bllokon funksionimin e shtetit. Afati kushtetues për zgjedhjen e presidentit po afron, ndërsa Albulena Haxhiu vazhdon të ushtrojë detyrën e ushtrueses së presidentes dhe kryetares së Kuvendit.