Kryetarja e Odës së Infermierëve, Nexhmije Gori, ka ngritur shqetësimin për largimin masiv të infermierëve dhe profesionistëve shëndetësorë nga Kosova, duke paralajmëruar një mungesë serioze të stafit shëndetësor në të ardhmen. Ajo thekson se infermierët punojnë në kushte të vështira, shpesh pa kompensim për orët e punës gjatë vikendeve dhe festave, ndryshe nga stafi tjetër shëndetësor, gjë që krijon dallime të theksuara brenda institucioneve.