Ministri në detyrë i Bujqësisë, Pylltarisë dhe Zhvillimit Rural, Armend Muja, theksoi në Forumit për Politikat Bujqësore në Prishtinë rëndësinë e integrimit evropian si parim udhëzues për reformat në sektorin bujqësor të Kosovës. Ai nënvizoi se ky proces nuk shihet si detyrim, por si një mundësi për të përmirësuar standardet dhe për të harmonizuar politikat me Bashkimin Evropian, duke përfshirë edhe skemat e subvencioneve dhe granteve. Muja gjithashtu vuri në pah sfidat që sjellin ndryshimet klimatike, duke theksuar investimet në sisteme ujitjeje për të rritur qëndrueshmërinë e bujqësisë dhe për të mbrojtur fermerët. Forumi trajtoi gjithashtu tema të rëndësishme si zgjerimi i BE-së, politika bujqësore, biodiversiteti dhe bashkëpunimi rajonal për të përballuar sfidat e sigurisë ushqimore dhe paqëndrueshmërisë së tregjeve.