Që nga fillimi i vitit deri më 30 qershor, Ministria e Punëve të Brendshme e Kosovës ka lëshuar 4,533 lejeqëndrime të përkohshme dhe 126 të përhershme, ku komuniteti serb dominojnë me 1,266 lejeqëndrime të përkohshme dhe 50 të përhershme. Ish-zëvendësministri Selam Shkodra e sheh këtë si një hap pozitiv drejt integrimit të serbëve në shoqërinë kosovare, duke theksuar se procesi kalon nëpër filtrat e rreptë të institucioneve të sigurisë. Megjithatë, juristi Hasan Shala paralajmëron se dhënia e lejeve pa plotësuar kushtet ligjore mund të sjellë pasoja të mëdha dhe kërkon vlerësim të kujdesshëm të bazës ligjore. Në të dhënat e MPB-së, përveç serbëve, një numër i konsiderueshëm i lejeve është dhënë edhe për shtetas turq.