Kryeprokurori i Shtetit, Zejnulla Gashi, priti në takim Kryeshefin e Inspektoratit Policor të Kosovës, Kushtrim Hodaj, i cili e uroi për detyrën e re dhe i dëshiroi suksese në mandat. Gjatë takimit u diskutua për intensifikimin e bashkëpunimit ndërinstitucional, me fokus trajtimin prioritar të rasteve që adresohen në prokurori nga IPK-ja. Një tjetër temë e rëndësishme ishte nevoja për ndërlidhjen e databazës së IPK-së me Sistemin për Menaxhimin Informativ të Lëndëve (SMIL), për të përmirësuar menaxhimin e rasteve. Këto zhvillime synojnë forcimin e bashkëpunimit dhe efikasitetit në trajtimin e çështjeve me interes të përbashkët në sistemin e drejtësisë në Kosovë.