Lumir Abdixhiku, kryetari i LDK-së, ka premtuar se në katër vitet e ardhshme Kosova do të përjetojë investimet kapitale më të mëdha që ka parë ndonjëherë. Ai theksoi se LDK-ja ka ambicie të larta dhe kapacitete për të realizuar projekte madhore, duke sjellë një ekip të fuqishëm dhe të përkushtuar në punë konkrete. Abdixhiku nënvizoi se Kosova ka një plan financiar, por për suksesin e investimeve është e nevojshme të ketë edhe ambicie të mëdha. Ky premtim u bë i ditur gjatë një interviste në emisionin Rubikon të Klan Kosovës.