Ministri në detyrë i Arsimit dhe Shkencës, Hajrulla Çeku, së bashku me përfaqësues të Bashkimit Evropian dhe UNOPS-it, vizituan objektin në ndërtim të Fakultetit të Matematikës dhe Shkencave Natyrore në Universitetin e Prishtinës. Gjatë vizitës u njoftuan me progresin e punimeve dhe zhvillimet e projektit të financuar nga BE-ja, i cili ka një vlerë prej 17.9 milionë eurosh. Ky investim konsiderohet kyç për përmirësimin e arsimit të lartë në Kosovë, duke synuar hapësira moderne për mësim dhe kërkim shkencor. Ministri Çeku theksoi rëndësinë e këtij projekti për reformimin e universiteteve publike dhe shprehu besimin se objekti do të jetë funksional për fillimin e vitit akademik në tetor 2026.