Ministri i Financave në detyrë, Hekuran Murati, ka komentuar ndarjen e 2 milionë eurove për linjat turistike të fluturimeve në emisionin ADRESA në Kanal 10. Ai ka theksuar se kjo shumë përbën një investim të domosdoshëm, i cili ndihmon jo vetëm linjat ajrore, por edhe aeroportin, që funksionon me koncesion publiko-privat. Sipas Muratit, përfitues i këtij investimi nuk është vetëm sektori privat, por edhe vetë shteti i Kosovës. Kjo nismë financiare ka shkaktuar diskutime rreth qëllimit dhe ndikimit të saj, duke ngjallur pyetje për efektet ndaj diasporës dhe procesit zgjedhor.