Ipeshkvi i Kosovës, Imzot Dodë Gjergji, ka shprehur mbështetjen e tij për Marshin për Liri, i cili do të mbahet më 12 shtator në Prishtinë. Në një takim me përfaqësuesit e platformës qytetare “Liria Ka Emër”, u diskutua për organizimin e marshit dhe mesazhin e solidaritetit me ish-udhëheqësit politik dhe familjet e tyre. Ipeshkvi vlerësoi rëndësinë e unitetit dhe qëndrimit të përbashkët në mbrojtje të vlerave mbi të cilat është ndërtuar liria e Kosovës. Marshi do të fillojë në orën 14:00 në sheshin “Skënderbeu” dhe synon të mobilizojë qytetarët në mbështetje të kësaj kauze.