Jon Harrison, ish-ushtari britanez që stërviti Ushtrinë Çlirimtare të Kosovës gjatë luftës së vitit 1999 dhe së fundmi mori shtetësinë kosovare, ka bërë një apel të fortë për klasën politike në Kosovë. Në një intervistë për Politiko, ai u bëri thirrje politikanëve që të lënë mënjanë ndasitë dhe të bashkohen për të punuar në interes të qytetarëve. Harrison rikujtoi frymën e bashkimit dhe unitetin që ekzistonte gjatë periudhës së luftës, duke theksuar se ky ishte çelësi i rezistencës dhe mbijetesës së Kosovës. Ai shtoi se i njëjti përkushtim duhet të jetë udhërrëfyes edhe sot në ndërtimin e së ardhmes së vendit.