Shkëmb Manaj, kandidati i Lidhjes Demokratike të Kosovës për deputet, ka falënderuar qytetarët e Istogut për mbështetjen e tyre gjatë fushatës zgjedhore, duke theksuar se dy gjëra nuk shterojnë kurrë në këtë qytet: burimet e ujit dhe rugovizmi. Ai e ka cilësuar mbështetjen si një mesazh të qartë politik dhe qytetar për drejtimin e ardhshëm që dëshirojnë banorët e Istogut. Manaj është shprehur krenar që është përfaqësuesi dhe zëri i tyre në Kuvendin e Republikës së Kosovës. Gjithashtu, ai ka vlerësuar bashkëpunimin me kandidatët e tjerë të LDK-së, duke përmendur Ilir Feratin dhe Naim Behlulajn si pjesë të ekipit që synon përfaqësim të fuqishëm në Kuvend.