Ambasada e Italisë në Kosovë ka bërë thirrje të gjitha partitë politike që të angazhohen në dialog konstruktiv dhe të punojnë së bashku për themelimin e institucioneve të vendit. Kjo thirrje vjen në një moment kur seanca konstituive e Kuvendit është shtyrë nga kreu i LVV-së, Albin Kurti, i cili kërkon kohë shtesë për të arritur marrëveshje mbi çështjen e presidentit. Ambasada thekson se përgjegjësia për funksionimin efektiv të institucioneve demokratike i takon përfaqësuesve të zgjedhur dhe se ata duhet të sigurojnë që institucionet të përmbushin pritjet e qytetarëve. Në këtë kontekst, Italia nënvizon rëndësinë e dialogut dhe kompromisit për të tejkaluar ngërçin politik dhe për të avancuar reformën dhe rrugën e Kosovës drejt anëtarësimit në Bashkimin Evropian.