Kryeministri në detyrë Albin Kurti ka paralajmëruar se gjatë javës së ardhshme mund të ketë zhvillime konkrete në bisedimet me Lidhjen Demokratike të Kosovës për formimin e institucioneve të legjislaturës së 11-të, me seancën konstituive të caktuar më 6 gusht. Për t’u konstituuar Kuvendi, duhet zgjedhur kryetari dhe pesë nënkryetarët, një hap që Vetëvendosja mund ta kalojë vetëm me partitë e komuniteteve jo-shqiptare, por ekziston interesim për marrëveshje edhe me LDK-në.