Shoqata për Fibrozë Cistike ka denoncuar qeverinë në detyrë të Kosovës, duke theksuar se ndërsa shteti investon miliona euro në vendime me karakter politik dhe elektoral, fëmijët me fibrozë cistike mbeten pa terapitë jetike si Trikafta. Kjo mungesë trajtimi po detyron dhjetëra familje të largohen nga vendi, jo për luks, por për të shpëtuar jetën e fëmijëve të tyre. Shoqata kërkon që institucionet e Kosovës dhe Shqipërisë ta trajtojnë këtë çështje si prioritet kombëtar dhe të sigurojnë menjëherë terapitë e nevojshme. Ata theksojnë se jeta e një fëmije duhet të jetë mbi çdo propagandë politike dhe kërkojnë dinjitet dhe mbështetje për familjet në nevojë.