Ish-kryediplomati gjerman Joschka Fischer ka mbrojtur vendimin për ndërhyrjen ushtarake në Kosovë më 1999, duke e cilësuar atë si një domosdoshmëri për të parandaluar një gjenocid të ri në rajon. Ai ka pranuar se i është dashur shumë kohë për të kuptuar natyrën e vërtetë të konfliktit, duke theksuar rrezikun e nacionalizmit ekstrem dhe terrorit që po përhapej. Fischer ka paralajmëruar se nëse Sllobodan Millosheviq do ta kishte çuar përpara agjendën e tij, e ardhmja e Bashkimit Evropian dhe zgjerimi në Ballkanin Perëndimor do të ishin të kërcënuara. Ai ka kujtuar masakrën e Srebrenicës si një paralajmërim të dhimbshëm për pasojat e mosveprimit në kohë.