Gjatë fundjavës së Pashkëve Katolike, qytetarët e Kosovës kanë zgjedhur të udhëtojnë drejt Shqipërisë, duke krijuar herë pas here kolona mjetesh në pikën kufitare të Morinit. Pavarësisht motit të paqëndrueshëm dhe reshjeve të shiut, familjarë, grupe shokësh dhe studentë nga Zvicra kanë kaluar kufirin për të kaluar pushimet në Shqipëri dhe për të vizituar Kosovën. Policia kufitare ka aplikuar një procedurë të përshpejtuar kalimi, duke hequr kontrollet për automjetet me targa të Shqipërisë dhe Kosovës, për të shmangur pritjet e gjata dhe qëndrimet e panevojshme në kufi. Për të menaxhuar fluksin e lartë të mjeteve, janë vënë në dispozicion të gjitha sportelet e kalimit kufitar.