Kaltrinë Lohaj, kandidate për deputete nga PDK-ja me numër 29, ka zhvilluar një takim me mësimdhënës dhe drejtorë shkollash për të diskutuar sfidat dhe nevojat e sistemit arsimor në vend. Në fokus të bisedës ishin kushtet e punës së mësimdhënësve, nevojat e nxënësve dhe rëndësia e investimeve në edukim si bazë për zhvillimin e shoqërisë. Lohaj ka theksuar se do të angazhohet që zëri i komunitetit arsimor të dëgjohet në institucionet vendimmarrëse dhe që arsimi të mbetet prioritet në politikat publike. Ajo premton përkushtim dhe përfaqësim të interesave të arsimit në parlament, duke e konsideruar këtë sektor si një nga shtyllat kryesore të zhvillimit kombëtar.