Kandidatja për deputete e PDK-së, Kaltrinë Lohaj, së bashku me kolegët e saj, zhvilluan një takim me banorët e Gllavicës së Lipjanit, ku theksuan nevojën për ndryshim në qeverisjen e Kosovës përmes PDK-së. Lohaj e sheh kandidimin e saj si një mision për të vazhduar vlerat familjare dhe kombëtare, duke përfaqësuar trashëgiminë e heroit kombëtar Nijazi Azemi – Komandant “Mjekrra”. Ajo ka përvojë në drejtimin e institucioneve shëndetësore dhe arsimore, dhe synon të jetë zëri i arsimit, shëndetësisë dhe grave në një Kosovë më të zhvilluar. Në një takim emocional me ish të burgosur politikë, Lohaj rikujtoi sakrificën e prindërve të saj dhe të tjerëve që luftuan për liri dhe dinjitet, duke theksuar rëndësinë e kujtesës dhe mirënjohjes për këto figura të pathyeshme.