Komuna e Kamenicës do të përfitojë 500 mijë euro nga Qeveria e Kosovës përmes Projektit të Banimit Social Adekuat, pas nënshkrimit të Memorandumit të Bashkëpunimit nga ministrja në detyrë Fitore Pacolli dhe kryetari Kadri Rahimaj. Ky investim do të përfshijë ndërhyrje në 30 njësi dhe shtëpi përfituese, ku 20 njësi ekzistuese do të renovohen, ndërsa shtatë shtëpi private do të mbështeten për renovim dhe tri të tjera për rindërtim. Qëllimi kryesor i projektit është përmirësimi i kushteve të banimit dhe ndihma për familjet në nevojë në këtë komunë. Ministrja Pacolli theksoi rëndësinë e këtij investimi konkret për të adresuar sfidat sociale dhe për të siguruar një ambient më të mirë jetese për qytetarët e Kamenicës.