Kryeministri i Kosovës, Albin Kurti, pranoi një letër urimi nga kancelari i Austrisë, Christian Stocker, për formimin e qeverisë së re dhe mandatin e ri qeverisës. Në letrën e tij, kancelari Stocker përgëzoi Kurtin dhe i uroi suksese në legjislaturën e re, duke theksuar rëndësinë e përparimit drejt integrimit në Bashkimin Evropian dhe marrëdhëniet e fqinjësisë së mirë. Ai vuri në dukje mbështetjen e vazhdueshme të Austrisë për Kosovën që nga themelimi i saj dhe rolin aktiv të diasporës kosovare në Austri, si dhe bashkëpunimin ekonomik ndërmjet dy vendeve. Kancelari Stocker gjithashtu e uroi kryeministrin Kurti për ditëlindjen dhe shprehu dëshirën për një takim të ri mes tyre.