Koalicioni VLEN ka shpallur zyrtarisht kandidaturën e Jakup Huseinit për kryetar të Komunës së Bërvenicës. Huseini është magjistër i shkencave juridike dhe aktualisht punon si nëpunës shtetëror në të njëjtën komunë, duke pasur përvojë të drejtpërdrejtë me qytetarët dhe njohje të thellë të sfidave lokale. Nga VLEN theksojnë se përparësia kryesore e kandidatit qëndron në njohjen e administratës komunale dhe procedurave institucionale, gjë që do t’i mundësojë atij nisjen e menjëhershme të punës pa humbur kohë për përshtatje. Sipas koalicionit, kjo kandidaturë ofron një zgjidhje me përgatitje juridike dhe përvojë profesionale, duke u shërbyer banorëve të Bërvenicës që nga dita e parë e mandatit.