Deputeti i Lidhjes Demokratike të Kosovës, Ermal Sadiku, ka kritikuar ashpër situatën institucionale në vend pas betimit të Albulena Haxhiut si deputete. Ai theksoi se Haxhiu po ushtron tri funksione njëkohësisht: deputete, kryetare e Kuvendit dhe ushtruese e detyrës së Presidentes, duke e cilësuar këtë situatë si një “katrahurë institucionale”. Sadiku akuzoi Lëvizjen Vetëvendosje për keqmenaxhim dhe për bllokimin e institucioneve pas zgjedhjeve, duke vënë në dukje mungesën e aftësisë për të kryer punë konkrete. Ai shprehu shqetësimin se, ndërsa institucionet janë të bllokuara, Vetëvendosje vazhdon të bëjë “hajgare” politike, duke dëmtuar funksionimin normal të shtetit.