Gjuha ofenduese dhe denigruese ndaj Presidentes së Kosovës, Vjosa Osmani, ka marrë përmasa shqetësuese duke u shndërruar në kërcënime serioze me jetë. Dy mbështetës të Lëvizjes Vetëvendosje, njëri nga Gjermania dhe tjetri nga Mitrovica, kanë publikuar mesazhe kërcënuese në rrjetet sociale, duke përdorur gjuhë të ashpër dhe thirrje për dhunë. Një prej tyre ka shpërndarë një pankartë me përmbajtje “Vdekje tradhtarëve, Albini i shqiptarëve”, ndërsa tjetri ka shkruar se plumbi është zgjidhja për të mbrojtur kryeministrin Albin Kurti. Aktualisht mbetet e paqartë nëse institucionet e sigurisë dhe drejtësisë do të ndërhyjnë për të garantuar sigurinë e Osmanit pas këtyre kërcënimeve.