Aleksandar Vulin, ish-shefi i BIA-s dhe kryetar i Lëvizjes Socialiste në Serbi, ka kërcënuar me sulme ndaj Kosovës, kryeministrit Albin Kurti dhe çdo individi që ndjek politika antiserbe. Ai ka deklaruar se Serbia duhet të veprojë në Kosovë në mënyrë të ngjashme me veprimet e Izraelit përmes Mossad-it kundër armiqve të tyre. Vulin ka theksuar se Serbia ka kryer më parë sulme kundër shqiptarëve dhe se është e aftë të bëjë këtë punë sërish, duke kërkuar nga shërbimet serbe të krijojnë plane konkrete për të goditur individët me politika antiserbe. Ai gjithashtu ka kritikuar Kurtin për mosbindjen ndaj marrëveshjeve dhe ka kërkuar që Serbia të ndërhyjë në mënyrë që Kosova të ketë frikë nga ajo.