Ish-deputeti Agim Bahtiri ka reaguar ashpër ndaj kërcënimeve të raportuara ndaj kryeministrit në detyrë të Kosovës, Albin Kurti, duke i cilësuar ato si sulm direkt ndaj shtetit dhe sovranitetit të Kosovës. Ai thekson se organizata "Severna Brigada", e lidhur me struktura kriminale dhe destabilizuese në veri, është shpallur terroriste nga institucionet e vendit dhe kërcënimet ndaj Kurtit janë në fakt kërcënime ndaj rendit dhe ligjit në Kosovë. Bahtiri nënvizon se këto kërcënime tregojnë se lufta kundër krimit në veri po prek interesat e grupeve kriminale. Ai përfundon me një mesazh të fortë se Kosova nuk do të dorëzohet apo frikësohet, por do të qëndrojë e bashkuar në mbrojtje të shtetit.